Dla hetaj mety KDK ciapier moža navat prypyniać ci navat całkam spyniać dziejnaść luboha subjekta haspadarańnia.
Raniej Kamitet dziaržkantrolu mieŭ prava kantralavać dziejnaść subjektaŭ haspadarańnia na pradmiet vykanańnia imi zakanadaŭstva pa abaronie pravoŭ spažyŭcoŭ, biaśpiecy žyćcia i zdaroŭja nasielnictva, navakolnaha asiarodździa, a taksama abaronie ekanamičnych intaresaŭ dziaržavy.
Ciapier situacyja istotna źmienicca. Ad hetaha času KDK budzie kantralavać i vykanańnie zakanadaŭstva pa zabieśpiačeńni nacyjanalnaj biaśpieki. Naprykład, Dziaržkantrol zmoža «prypyniać abo zabaraniać vytvorčaść (realizacyju) tavaraŭ (vykanańnie rabotaŭ, akazańnie pasłuh) u vypadku vyjaŭleńnia parušeńniaŭ patrabavańniaŭ zakanadaŭstva pa zabieśpiačeńni nacyjanalnaj biaśpieki». Kali vyjavicca parušeńnie zakanadaŭstva pa zabieśpiačeńni nacyjanalnaj biaśpieki, KDK zmoža navat začyniać adpaviednyja subjekty haspadarańnia.
Faktyčna, kantralory atrymali prava całkam paralizavać pracu luboha subjekta haspadarańnia, kali paličać, što jaho dziejnaść parušaje zakanadaŭstva i stvaraje pahrozu nacyjanalnaj biaśpiecy. A takoj pahrozaj u Biełarusi, nahadajem, časta pryznajucca navat žurnalisckija materyjały. Heta aznačaje, što KDK atrymaje prava biez usialakich papiaredžańniaŭ, naprykład, spynić dziejnaść luboha ŚMI ci navat vydaviectva, jakoje vypuściła fotaalbom žurnalistaŭ.
