U Jehipcie aryštavany lidar «Bratoŭ-musulman» 1

Duchoŭny lidar ruchu «Braty-musulmanie» Muchamied Badzi aryštavany ŭ Kairy. Pra heta paviedamili ŭłady krainy.

Paśla žorstkaha razhonu vajennymi vystupaŭ prychilnikaŭ zrynutaha prezidenta Mursi, jaki pryvioŭ da hibieli niekalkich socień čałaviek, u krainie ŭviedziena nadzvyčajnaje stanovišča. Dziejničaje kamiendanckaja hadzina, paviedamlaje Bi-Bi-Si.

U krainie abjaŭlena trochdzionnaja žałoba pa 25 palicyjantam, jakija trapili ŭ zasadu na Sinajskim paŭvostravie. Ułady abvinavačvajuć u zdareńni isłamistaŭ.

U niadzielu 36 aktyvistaŭ ruchu «Braty-musulmanie» zahinuli pry sprobie ŭciokaŭ padčas ich pieravozki ŭ turmu za miežami Kaira.

Z momantu sutyknieńniaŭ u Jehipcie, jakija pačalisia ŭ sieradu na minułym tydni, zahinuli kala 900 čałaviek, u tym liku kala sotni sałdat i palicejskich.

Sotni aktyvistaŭ ruchu «Braty-musulmanie» zatrymanyja pa ŭsioj krainie.

Muchamied Badzi chavaŭsia ad uładaŭ, viedajučy pra toje, što jany šukajuć i aryštoŭvajuć lidaraŭ ruchu.

Usiaho za niekalki dzion da jaho zatrymańnia syn Badzi Amar zahinuŭ u sutyknieńniach na płoščy Ramziesa ŭ Kairy.

Pa aficyjnych dadzienych, Badzi byŭ zatrymany ŭ kvatery na paŭnočnym uschodzie Kaira, niedaloka ad miesca kryvavych sutyknieńniaŭ z palicyjaj.

Namieśnik Badzi Chajrat Šacir byŭ aryštavany praź niekalki dzion paśla źviaržeńnia prezidenta Mursi.

Jak pieradajuć karespandenty Bi-bi-si, aryšt Muchamieda Badzi tolki ŭzmocnić raskoł u krainie.

0

0

0

0

0

0

Bi-Bi-Si

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH