Jak paviedamiła žonka viciebskaha aktyvista Alena, muž ciapier prachodzić kursy polskaj movy. I jašče vyrašajecca pytańnie, u jakim univiersitecie jon budzie vučycca.
Raniej Siarhiej raskazvaŭ «NN», što maje žadańnie stać prahramistam. A vyšejšaja adukacyja moža spatrebicca ŭ palityčnaj karjery.
U lutym 2012 hoda Siarhieja Kavalenku asudzili na dva hady i adzin miesiac kałonii za ŭchileńnie ad adbyvańnia « chatniaj chimii». Da «chimii» jaho asudzili za vyviešvańnie bieł-čyrvona-biełaha ściaha ŭ Viciebsku. Adrazu paśla zatrymańnia jon abjaviŭ haładoŭku pratestu, jakaja doŭžyłasia ź nievialikimi pierapynkami kala 2 miesiacaŭ. U červieni napisaŭ prašeńnie ab pamiłavańni. Vyzvaleny ŭ kancy vieraśnia. Maje małaletnich syna i dačku.
0
0
0
0
0
0
