20 žniŭnia ŭ pieršaj pałovie dnia ŭ Mahilovie kala prachadnoj AAT «Mahiloŭchimvałakno» pry vykanańni redakcyjnaha zadańnia zatrymany niezaležny žurnalist Aleś Asipcoŭ.
«Ja vykonvaŭ redakcyjnaje zadańnie — apytvaŭ rabotnikaŭ pradpryjemstva pa roznych ekanamičnych pytańniach. Praź niekatory čas da mianie padyšoŭ niejki čałaviek, jaki nie pradstaviŭsia, ale nazvaŭ siabie pradstaŭnikom ideałahičnaj słužby „Mahiloŭchimvałakna“ i paprasiŭ prajści ź im», — paviedamiŭ BiełaPAN Asipcoŭ.
Pavodle jaho słoŭ, u ciapierašni čas jon znachodzicca ŭ adnym z pakojaŭ na prachadnoj pradpryjemstva, tam ža znachodzicca supracoŭnik milicyi.
