20 žniŭnia ŭ pieršaj pałovie dnia kala minskaha kazino «Šanhry Ła» byli zaŭvažanyja milicejski aŭtazak i transpart sapiorna-piratechničnaj słužby ŭnutranych vojskaŭ.
Pa słovach karespandenta «NN», supracoŭniki milicyi nie puskajuć u budynak kazino starońnich, a taksama aŭto na prylehłuju da ŭstanovy terytoryju.
Raniej źjaviłasia paviedamleńnie pra zatrymańni dvuch supracoŭnikaŭ kazino, jakich padazrajuć u arhanizacyi prastytucyi. U paviedamleńni pres-słužby Ministerstva ŭnutranych spravaŭ havorycca, što na dadzieny momant u pamiaškańni kazino adbyvajecca zbor rečavych dokazaŭ pa spravie.
