Vydańnie nieŭzabavie źjavicca ŭ biblijatekach.
Da
«Hety komiks pryznačany ŭ pieršuju čarhu dla vučniaŭ siaredniaj škoły, — raskazvaje kuratar vydańnia Anatol Ivaščanka. — Uvieś komiks namalavany ad ruki, biez vykarystańnia kampjutara talenavitym mastakom Uładzimiram Dryndrožykam. — Składaniej za ŭsie było pieraŭtvaryć movu Karatkieviča ŭ movu komiksa, adnak u vyniku ŭsio atrymałasia».
Komiks «Pra Kastusia» vyjšaŭ nakładam u 1000 asobnikaŭ, praŭda, pakul u prodaž vydańnie nie trapić, najpierš jaho raspaŭsiudziać pa biblijatekach.
«Heta novy dla Biełarusi farmat, da nas tolki Adam Hłobus stvaryŭ biełaruski komiks, darečy, taksama pa tekście Karatkieviča. — raskazvaje spadar Ivaščanka. — My abrali prostuju nazvu „Pra Kastusia“, bo ŭ Karatkieviča tvor pieršapačatkova nazyvaŭsia „Runa pra Kastusia“, taksama byŭ varyjant „Apovied“, adnak pakolki historyja ŭ pjesie Karatkieviča padajecca
Aŭtaraŭ komiksa ździvili niekatoryja paraleli pamiž napisanym u tekście Karatkieviča i našym časam.
«Naprykład, u pjesie jość taki momant, kali Muraŭjoŭ prychodzić da Alaksandra II i kaža, što ŭ Vilni adbyvajucca maŭklivyja manifiestacyi na miescy pachavańnia paŭstancaŭ. Vilenčuki prosta prychodziać bieź śviečak i moŭčki stajać na hety miescy, ničoha nie robiać. — raskazvaje spadar Ivaščanka.— My nie viedajem, ci było takoje sapraŭdy, ci heta ŭdałaja prydumka Karatkieviča. Jak i spaleńnie vioski Bacharevičy ŭ toj samaj pjesie, jakaja bolš nahadvaje apieracyi niamieckich karnikaŭ padčas Druhoj suśvietnaj vajny. Jak jano było nasamreč, my ŭžo nie daviedajemsia. Ź inšaha boku, tak paviałosia, što tvoram Karatkieviča my vierym bolej, čym padručnikam pa historyi».
