Kamitetam dziaržaŭnaj biaśpieki Biełarusi raspačata kryminalnaja sprava na padstavie č. 4 art. 210 KK (kradziež šlacham złoŭžyvańnia słužbovymi paŭnamoctvami) u dačynieńni da adnaho z kiraŭnikoŭ ramontna-vytvorčaha kamunalnaha ŭnitarnaha pradpryjemstva «Hardarmateryjały» i dvuch pradstaŭnikoŭ budaŭničaha pryvatnaha ŭnitarnaha pradpryjemstva Minska.
Jak paviedamiła pres-słužba KDB, padčas papiaredniaha rasśledavańnia ŭstanoŭlena, što namieśnik dyrektara KUP «Hardarmateryjały» z 14 pa 16 žniŭnia 2013 hoda arhanizavaŭ u intaresach budaŭničaj kamiercyjnaj struktury kradziež z pradpryjemstva asfaltabietonnaj sumiesi, pryznačanaj dla budaŭnictva MKAD, ahulnym koštam bolš jak 600 miljonaŭ rubloŭ. Nabytuju ŭ vyniku supraćpraŭnych dziejańniaŭ słužbovaj asoby asfaltabietonnuju sumieś abjomam kala 1 tysiačy ton kamiersanty ŭ dalejšym płanavali realizavać dziaržaŭnaj darožna-budaŭničaj arhanizacyi. U jakaści ŭznaharody pradprymalny čynoŭnik atrymaŭ ad kiraŭnikoŭ kamiercyjnaj struktury 20 tysiač dołaraŭ ZŠA.
Padazronyja zatrymanyja na miescy z dokazami złačynstva i źmieščanyja ŭ SIZA. Viadziecca śledstva.
Viačasłaŭ Budkievič, BiełaPAN
Chočaš padzialicca važnaj infarmacyjaj ananimna i kanfidencyjna?
Pišycie redaktaru «Našaj Nivy» ŭ TH
