Bredli Meninh choča, kab jaho nadalej ličyli žančynaj i nazyvali Čełsi 9

Amierykanski sałdat Bredli Meninh, asudžany na 35 hadoŭ za najbolšy ŭ amierykanskaj historyi kradziež sakretnych dakumientaŭ, zajaviŭ, što jon žančyna i choča žyć jak žančyna. Jon prosić, kab nadalej jaho nazyvali nie «Bredli», a «Čełsi». Tak, darečy, zavuć dačku byłoha prezidenta ZŠA Biła Klintana. «Ciapier, kali ja pierachodžu ŭ novuju fazu svajho žyćcia, ja chaču, kab usie viedali majo sapraŭdnaje ja. Ja Čełsi Meninh, i ja žančyna», — havorycca ŭ jahonaj zajavie, jakuju začytali ŭ papularnaj teleprahramie amierykanskaha kanała En-Bi-Si.

Meninh kaža, što adčuvaŭ siabie dziaŭčynkaj ad małoha.

Na toje, što Meninh pakutuje na razład połavaj identyfikacyi, spasyłalisia advakaty Meninha ŭ časie suda. Na ich dumku, chłopcu było ciažka ŭ hipiermaskulinnym atačeńni bajavoj armii, jon adčuvaŭ siabie prynižanym, i heta paŭpłyvała na jahonyja dziejańni.

Meninh prosić administracyju turmy vypisać jamu harmanalnuju terapiju, jakaja dazvolić jamu vyhladać pa-žanočamu. Adnak pradstaŭnica amierykanskaj armii zajaviła, što takaja pracedura isnymi normami nie praduhledžvajecca. Na što źniavolenyja majuć prava — dyk heta na dapamohu psichołaha, psichijatra i sacyjalnych rabotnikaŭ.

Sudovy psichijatr u časie padrychtoŭki da suda sapraŭdy vyjaviŭ u Meninha zboj u połavaj samaidentyfikacyi, a taksama nieŭroz naviaźlivych stanaŭ i chvaravity narcysizm.

Meninh znachodzicca ŭ turmie Fort-Livenvort u štacie Kanzas. Advakaty Meninha spadziajucca ciapier tolki na pamiłavańnie prezidentam Abamam, ale šancy na taki sychod minimalnyja.