«Kali našy susiedzi pojduć na istotnuju libieralizacyju mytnaha režymu ź Jeŭrasajuzam, to na rynak Ukrainy niepaźbiežna chłynuć vielmi niadrennyja pa jakaści i pa canie tavary, ale heta pryviadzie da taho, što jany buduć vyciskać z ukrainskaha rynku tavary ŭkrainskaj vytvorčaści. Tady krainam Mytnaha sajuza daviadziecca padumać ab abarončych zachadach», — zajaviŭ Pucin na naradzie pa
Rastoŭ miažuje z Danbasam — pramysłovaj bazaj Ukrainy.
Jon taksama paviedamiŭ, što Ukraina pakul nie źbirajecca stanavicca členam ES.
Uładzimier Pucin taksama paviedamiŭ, što padčas telefonnaj razmovy z ukrainskim prezidentam Viktaram Janukovičam jany damovilisia ab praviadzieńni dadatkovych kansultacyj, kab «jašče raz praanalizavać mahčymyja pahrozy i zrazumieć, ci isnujuć jany realna, i kali tak, to što z hetym rabić».
Na minułym tydni rasijskaja mytnia ŭviała režym ŭzmocnienaha kantrolu pradukcyi ŭkrainskich vytvorcaŭ, jakuju presa nazvała poŭnamaštabnaj handlovaj vajnoj.
Paśla daradca rasiejskaha prezidenta Siarhiej Hłaźjeŭ patłumačyŭ heta «prafiłaktyčnymi zachadami, źviazanymi z padrychtoŭkaj źmianieńniaŭ režymu mytnaha administravańnia ŭ vypadku, kali Ukraina padpiša pahadnieńnie ab asacyjacyi ź ES». Paźniej rasiejskaja mytnia adnaviła «štatny» režym propusku impartu z Ukrainy.
Pradstaŭnik Jeŭrakamisii ŭ Bruseli nazvaŭ takija dziejańni Rasii niedapuščalnymi. Tavary ź ES u kožnym razie nie zmohuć traplać na terytoryju Mytnaha sajuza, tamu što jany buduć prachodzić tyja samyja pracedury razmytnieńnia, što i pierad dałučeńniem Ukrainy da zony svabodnaha handlu.
Ekśpierty tłumačać pahrozy Maskvy žadańniem sarvać jeŭraintehracyju Ukrainy, jakaja budzie aznačać kančatkovy sychod hetaj krainy z zaležnaści ad Rasii.
Biełaruś i Kazachstan pakul nie dałučylisia da adnabakovych mieraŭ Maskvy, nakiravanych suprać Ukrainy.