Mužčynskaja baskietbolnaja zbornaja našaj krainy pieramahła estoncaŭ u pieršaj hulni paŭfinału kvalifikacyi na Jeŭrabaskiet-2015.

Pačynałasia ŭsio nie vielmi dobra — u pieršaj čverci biełarusy prajhrali 21:25. Ale ŭ nastupnyja dva tajmy pierachapili inicyjatyvu: 19:12 dy 11:6. Apošniaja čverć vydałasia najbolš niervovaj, estoncy pačali hulać z bolšym impetam (25:27), ale likvidavać adstavańnie nie zdoleli.

Na žal, biełaruskaje telebačańnie nie nadaje patrebnaj uvahi hetamu vidu sportu. Biełaruś-2 tranślavała ŭ hety dzień tolki futbolny matč «Minsk» — «Standard».

Biełaruskija baskietbalisty hulali doma. Matč adbyvaŭsia ŭ Mahilovie ŭ sportkompleksie «Alimpijec».

«Na žal, nichto nie čakaŭ, što my projdziem tak daloka, tamu Pałac sportu zaniaty», — raspavioŭ žurnalistam napiaredadni hulni hałoŭny trenier biełaruskaj baskietbolnaj zbonaj Rusłan Bajdakoŭ.

Hulnia ŭ adkaz adbudziecca ŭ niadzielu ŭ Talinie. Biełarusy zachoŭvajuć dobryja šancy ŭpieršyniu patrapić na Jeŭra-2015.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?