Brytanskija śpiecsłužby čatyry dni tamu nadhledzieli Devida Mirandu ŭ aeraporcie Łondana, tamu što jon vioz materyjały, pieradadzienyja amierykanskim dezierciram Edvardam Snoŭdenam. Na dumku śpiecsłužbaŭ, hetyja źviestki ŭ vypadku apublikavańnia mahli nanieści škodu dziaržaŭnym intaresam Brytanii i pastavić pad pahrozu žyćcio ludziej. U Mirandy byli skanfiskavanyja zašyfravanyja fajły ź infarmacyjaj.

28-hadovy brazilec Miranda — kachanak 46-hadovaha žurnalista levalibieralnaj brytanskaj haziety «Hardyjan» Hlena Hrynvalda. Mienavita Hrynvald byŭ tym čałaviekam, praź jakoha Snoŭden publikavaŭ spampavanyja im słužbovyja materyjały Ahienctva nacyjanalnaj biaśpieki ZŠA. Ciapier Snoŭden atrymaŭ prytułak u Rasii.

Mirandu zatrymali, kali jon prylacieŭ ź Bierlina. Hrynvald nazvaŭ jahony nadhlad sprobaj zastrašyć žurnalistaŭ.

Na dumku naziralnikaŭ, brytanski ŭrad takim čynam pakazaŭ, što nie maje namieru dalej mirycca z anarchijaj u pytańni dostupu da sakretnych materyjałaŭ.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?