Biełaruski prahramist pieramoh u čempijanacie «Jandieksa» 4

Hienadź Karatkievič (u centry).

U Sankt-Pieciarburhu 22 žniŭnia zaviaršyŭsia adkryty čempijanat pa prahramavańni «Jandeks. Ałharytm».

Jak paviedamili BiełaPAN u pres-słužbie rasijskaj kampanii «Jandieks», za pieramohu zmahalisia bolš jak 3 tysiačy prahramistaŭ z 84 krain. Pa vynikach adboračnych raŭndaŭ u finał vyjšli 25 čałaviek. Pieramožcam staŭ biełarus Hienadź Karatkievič — pieršakurśnik Sankt-Pieciarburhskaha nacyjanalnaha daśledčaha ŭniviersiteta infarmacyjnych technałohij, miechaniki i optyki (NDU ITMO) i šmatrazovy pieramožca školnych alimpijad pa prahramavańni.

Finał prachodziŭ u Domie vučonych (pałac vialikaha kniazia Uładzimira Alaksandraviča). Kankurencyja była vielmi vysokaj. U finale zmahalisia najmacniejšyja prahramisty śvietu, u tym liku pieramožcy i pryziory bujnych mižnarodnych spabornictvaŭ: ACM ICPC, Russian Code Cup i inšych.

Hienadź Karatkievič chutčej za usich rašyŭ try zadačy i staŭ pieramožcam spabornictvaŭ. Druhoje miesca zavajavaŭ jašče adzin student z NDU ITMO — Jaŭhien Kapun. Treciaje miesca zaniaŭ student Tajvańskaha nacyjanalnaha ŭniviersiteta Šy Bisiuń. Pieramožcam uručyli hrašovyja pryzy: 300, 150 i 90 tysiač rubloŭ za pieršaje, druhoje i treciaje miescy adpaviedna.

«Hety čempijanat patrabuje vialikaj chutkaści ŭ rašeńni. U pryncypie, ja zadavoleny vynikami, ale moh by vystupić lepš: kali b byŭ krychu chutčejšym, moh by rašyć čatyry zadačy. Dla mianie hałoŭnyja sapierniki — heta zadačy, a nie inšyja ŭdzielniki», cytuje pres-słužba «Jandieksa» Hienadzia Karatkieviča.

«Jandeks. Ałharytm» stvaraŭsia z metaj padtrymać spartyŭnaje prahramavańnie, stvaryć placoŭku, dzie b prahramisty mahli vučycca, sustrakacca i abmieńvacca vopytam z kalehami ź inšych krain.

Zadańni dla «Ałharytmu» rychtavali śpiecyjalisty ź niekalkich krain. Pa praviłach čempijanatu supracoŭniki «Jandieksa» nie dapuskalisia da spabornictvaŭ, zatoje aktyŭna ŭdzielničali ŭ ich padrychtoŭcy. Jak adznačajuć u pres-słužbie kampanii «Jandieks», bolš za ŭsio zadač skłali supracoŭniki minskaha ofisa. Techničnaj płatformaj dla spabornictvaŭ staŭ servis «Jandeks. Contest». Heta placoŭka, dzie prahramisty z roznych krain mohuć vučycca, sustrakacca i spaborničać pamiž saboj.

Alaksiej Areška, BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH