Ilustracyjnaje fota.

Ilustracyjnaje fota.

Ź vioski Viedryč ŭ Rečyckuju rajonnuju balnicu 22 žniŭnia z ahniastrelnym ranieńniem trapiła 56-hadovaja žančyna — šrot trapiŭ u hałavu i hrudnuju kletku.

Jak paviedamili BiełaPAN u pres-słužbie UUS Homielskaha abłvykankama, žančynu paraniŭ jaje 60-hadovy susied. Ranieńni nie byli ciažkimi, i žančyna paśla miedycynskaj dapamohi ŭžo adpuščana z balnicy.

U milicyi raspaviali abstaviny zdareńnia. Nieznajomy kot panadziŭsia da žančyny dušyć jaje kuraniat. Jana paprasiła susieda pry vypadku padstrelić jaho. 22 žniŭnia da mužčyny prybiehła ŭnučka žančyny i paprasiła chutčej vyjści sa strelbaj i rasstralać kata, jaki jak raz siadzieŭ na płocie. Mužčyna zaradziŭ palaŭničuju strelbu, streliŭ, ale niekalki šrocinaŭ zrykašecili i trapili ŭ tuju samuju susiedku, jakaja prasiła razabracca z katom. Jana, darečy, u hety čas haspadaryła na harodzie za płotam.

Mužčyna — palaŭničy, maje dakumienty na palaŭničuju strelbu. Ale na jaho byŭ składzieny pratakoł pa artykule 17.2 KaAP (stralba ŭ nasielenym punkcie), jamu pahražaje štraf.

Milicyja nie vałodaje infarmacyjaj pra los kata.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?