Sud Vietkaŭskaha rajona pryznaŭ29-hadovaha žychara Homielskaha rajona vinavatym u supraciŭleńni rabotnikam milicyi (art. 363 KK) i pakaraŭ jaho aryštam na try miesiacy. Sud taksama pryniaŭ rašeńnie kanfiskavać u hramadzianina aŭtamabil BMW X5.
Jak paviedamili BiełaPAN u prakuratury Vietkaŭskaha rajona, žychar Homielskaha rajona pieraškadžaŭ milicyjanieram, jakija sprabavali zatrymać parušalnika, što nielehalna vyvoziŭ mietałałom u Rasiju. U lutym 2013 hoda supracoŭniki DAI i ŭzvoda pa achovie terytoryi radyjeaktyŭnaha zabrudžvańnia Vietkaŭskaha RAUS na vyjeździe z rajcentra vyrašyli pravieryć mikraaŭtobus
Na aŭtadarozie Homiel — Jamnaje pamiž mikraaŭtobusam i aŭtamabilem DAI ukliniŭsia BMW X5. Jaho vadziciel staŭ aktyŭna pieraškadžać milicyjanieram u pieraśledzie, stvarajučy realnuju pahrozu žyćciu i zdaroŭju jak supracoŭnikaŭ RAUS, tak i hramadzian ŭ inšych aŭtamabilach.
Kiroŭcy «BMV» i «Forda» nie padparadkavalisia nieadnarazovym patrabavańniam ab spynieńni, i supracoŭnik milicyi prymianiŭ zbroju. Było zroblena pryblizna 30 strełaŭ pa kołach ź pistaleta.
Kiroŭca «Forda», jaki pieravoziŭ pavodle prośby ŭłaśnika mikraaŭtobusa łom kalarovaha mietału ŭ napramku miažy z Rasijaj, byŭ pryciahnuty da administracyjnaj adkaznaści. Vadzicielu «BMV» było vystaŭlena abvinavačańnie ŭ kryminalnym złačynstvie.
Prysud pakul nie nabyŭ zakonnuju moc. Pryznany vinavatym u złačynstvie z rašeńniem suda nie zhodny i abskardžvaje jaho.
Heta nie pieršaja kryminalnaja sprava ŭ Vietkaŭskim rajonie pa fakcie, kali pravaachoŭnym orhanam pieraškadžali zatrymlivać hramadzian, jakija nielehalna vyvozili łom mietału ŭ RF.
U 2010 hodzie nabyŭ moc pryhavor u dačynieńni da
