Jak paviedamili ŭ adździaleńni infarmacyi i hramadskich suviaziaŭ UUS Minskaha abłvykankama, 21 žniŭnia pryblizna ŭ 22.30 u Minski RAUS pastupiła paviedamleńnie ab tym, što ŭ adnym z pryvatnych damoŭ u Zasłaŭi 75-hadovy miascovy žychar udaryŭ nažom svajho 41-hadovaha ziacia, a zatym i 42-hadovuju dačku, paśla čaho pasprabavaŭ učynić samahubstva, naniosšy sabie niekalki niamocnych parezaŭ nažom pa horle i vienach na ruce.

U Minskaj abłasnoj kliničnaj balnicy, kudy byli dastaŭleny ŭsie troje, paviedamili, što bolš za ŭsich paciarpieła žančyna — u jaje pranikalnyja ranieńni hrudziej, ranieńnie serca i lohkaha.

Papiarednie ŭstanoŭlena, što napiaredadni viečaram piensijanier, znachodziačysia ŭ stanie ałkaholnaha apjanieńnia, pasvaryŭsia ź ziaciem, paśla čaho schapiŭ nož i ŭdaryŭ im svajaka ŭ plačo. Kali dačka zastupiłasia za muža, sastareły mužčyna niekalki razoŭ udaryŭ nažom i jaje, paśla čaho pajšoŭ u svoj pakoj i pasprabavaŭ parezać sabie šyju i ruki.

Pavodle słoŭ susiedziaŭ, apošnim časam svajaki časta svarylisia z-za spadčyny, što zastałasia paśla śmierci žonki piensijaniera i, adpaviedna, maci paciarpiełaj. Sapraŭdnyja pryčyny zdareńnia ŭstanović śledstva.

22 žniŭnia Minskim rajonnym adździełam Śledčaha kamiteta ŭ dačynieńni da napadnika była raspačata sprava na padstavie č. 1 art. 14, p. 1 č. 2 art. 139 KK (zamach na zabojstva dvuch i bolš čałaviek). Zatrymany źmieščany ŭ izalatar časovaha ŭtrymańnia.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?