Hraničnyja maksimalnyja adpusknyja ceny pa asobnych hrupach chleba i chlebabułačnych vyrabaŭ z 29 žniŭnia buduć pavialičany ŭ siarednim na 10%. Heta praduhledžana pastanovaj Minekanomiki № 59 ad 23 žniŭni 2013, jakoje siońnia aficyjna apublikavana na Nacyjanalnym pravavym internet-partale, paviedamlaje BIEŁTA. Dakumientam unosiacca źmianieńni ŭ pastanovu Minekanomiki № 35 ad 26 krasavika 2012.

Pastanovaj ustanoŭleny hraničnyja maksimalnyja adpusknyja ceny na chleb žytni i žytna-pšaničny, bułačnyja vyraby z pšaničnaj muki z utrymańniem pa receptury cukru i tłuščaŭ u sumie nie vyšej za 14%.

Jak adznačyli ŭ adździele suviaziej z hramadskaściu Ministerstva ekanomiki, dadzienaje rašeńnie pryniata z ulikam prapanoŭ Minsielhascharča. «Havorka idzie ab rehulavańni cen vytvorcaŭ na tyja vidy chleba i bułačnych vyrabaŭ, jakija tradycyjna nazyvajucca sacyjalnymi. Jany vypiakajucca pa prostaj receptury biez dadatkovaj syraviny i adnosiacca da nižniaj cenavaj hrupy», — rastłumačyli ŭ viedamstvie.

Taksama z 29 žniŭnia pavyšajucca taksama hraničnyja minimalnyja ceny na ałkaholnuju pradukcyju krepaściu zvyš 28%. Heta praduhledžana pastanovaj Ministerstva ekanomiki № 60 ad 23 žniŭnia, jakoje siońnia aficyjna apublikavana na Nacyjanalnym pravavym internet-partale, paviedamlaje BIEŁTA.

Zhodna z dakumientam, limitavanaja minimalnaja adpusknaja cana na ałkahol macunkam 40% za 0,5 ł pavialičana na 11,1% da Br30 tys. U Ministerstvie ekanomiki patłumačyli, što dadzienaje rašeńnie pryniata "ŭ suviazi z rostam zakupnych koštaŭ na zbožža ŭradžaju 2013 dla vytvorčaści śpirtu na 7-10% ".

Pry hetym u viedamstvie źviarnuli ŭvahu, što limitavanaja minimalnaja razdrobnaja cana (z PDV) i limitavanaja minimalnaja adpusknaja cana na impartny ałkahol krepaściu 40% zastajucca bieź źmien.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?