Puchavickim rajonnym adździełam Śledčaha kamiteta rasśledujecca kryminalnaja sprava, raspačataja pa fakcie kradziažu siejfa z hrašovymi srodkami z buchhałteryi rajonnaha spažyvieckaha tavarystva.

Jak paviedamiła BiełaPAN aficyjny pradstaŭnik upraŭleńnia SK pa Minskaj vobłaści Taćciana Biełanoh, supracoŭniki pradpryjemstva pryjšli ranicaj 26 žniŭnia na pracu i vyjavili źniknieńnie siejfa, u jakim było kala 40 miljonaŭ rubloŭ, dakumienty i inšaja majomaść.

Na miescy zdareńnia śledča-apieratyŭnaja hrupa ŭstanaviła, što złačyncy pranikli ŭ pamiaškańnie šlacham padboru kluča, kali na pradpryjemstvie byŭ vychadny. Padčas ahladu śledčyja źviarnuli ŭvahu na toje, što praniknuć u pamiaškańnie nie skłała ciažkaści, bo terytoryja pradpryjemstva achoŭvajecca tolki vartaŭnikom. Kabiniet buchhałteryi achoŭnaj sihnalizacyjaj nie abstalavany.

Koła asob, što majuć dačynieńnie da złačynstva, nieŭzabavie było ŭstanoŭlenaje. Padazronymi źjaŭlajucca troje miascovych žycharoŭ. Ciapier śledčyja vyśviatlajuć rolu i dačynieńnie kožnaha ź fihurantaŭ. Dvoje ź ich znachodziacca pad padpiskaj ab niavyjeździe. Častku vykradzienych hrošaj jany ŭžo viarnuli. Treci zatrymany.

Orhanami papiaredniaha śledstva budzie ŭniesiena pradstaŭleńnie ŭ adras kiraŭnictva pradpryjemstva ab likvidacyi množnych parušeńniaŭ, jakija spryjali ŭčynieńniu złačynstva.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?