Snoŭden raskryŭ asabovy skład śpiecsłužbaŭ ZŠA: u 4 razy mienšy, čym byŭ u SSSR 3

U 178-staronkavaj spravazdačy pradstaŭlenyja dadzienyja ab biudžecie nacyjanalnaj raźviedvalnaj prahramy, jaje paśpiachova praviedzienych apieracyjach i pravałach. Raźviedvalnuju supolnaść ZŠA składajuć 16 słužbaŭ, u jakich pracuje bolš za 107 tysiač supracoŭnikaŭ.

Taksama ŭ dakumiencie źmiaščajecca karotkaje apisańnie pieradavych technałohij raźviedki i ciapierašnich apieracyj. Nie vydajecca tolki taja častka infarmacyi, jakaja moža ŭskładnić pracu pa peŭnych mietadach.

Paśla teraktaŭ 11 vieraśnia 2001 śpiecsłužby ZŠA byli značna ŭzmocnienyja, ale ŭsio jašče nie mohuć zabiaśpiečyć amierykanski ŭrad važnaj infarmacyjaj pa cełym šerahu pahroz nacyjanalnaj biaśpiecy, havorycca ŭ materyjale.

Dla paraŭnańnia: u SSSR pry kancy jahonaha isnavańnia ŭ KDB pracavała kala 480 tysiač čałaviek. Heta ŭ 4 razy bolš, čym ciapier u ZŠA.

Kolki čałaviek pracuje ŭ śpiecsłužbach u ciapierašniaj Biełarusi? U Alaksandra Łukašenki praśliznuła ličba 12 tysiač čałaviek, adnak z kantekstu było niajasna, realnaja jana ci hipatetyčnaja. Nasielnictva Biełarusi ŭ 33 razy mienšaje za amierykanskaje. Takim čynam, kali hetaja ličba realnaja, u Biełarusi ŭ pieraliku na dolu nasielnictva śpiecsłužbistaŭ taksama ŭ 4 razy bolšaja, čym u ZŠA.

SH

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH