Pieršy sakratar pasolstva Rasii ŭ Biełarusi Haŭryił Mamantaŭ siońnia sustreŭsia ŭ SIZA KDB z aryštavanym hiendyrektaram «Urałkalija» Uładzisłavam Baŭmhiertnieram.
Pa vychadzie z KDB dypłamat zrabiŭ zajavu dla presy.

«Samaadčuvańnie ŭ Baŭhiertniera narmalnaje.

Skarhaŭ na ŭtrymańnia niama. Adnosiny da jaho karektnyja, nijakich śviedčańniaŭ ab prynižeńniach nie było.

Prasiŭ pieradać mamie, što adčuvaje siabie dobra.

My damovilisia, što chacia b raz u tydzień da jaho buduć dapuskać advakat. Bo pakul što advakat byŭ dapuščany tolki pry zatrymańni ŭ aeraporcie i na dopytach.

Zaraz vyrašajem pytańnie ab pieradačy ŭ kamieru televizara. Pakul što ŭ jaho nie było nijakaha dostupu da ŚMI. My raskazali ab rezanansie hetaj spravy.

Nakolki my zrazumieli ŭ kamiery jon znachodzicca adzin.
Jon prasiŭ pieradać knihu „Annu Kareninu“, što i zrabili. Jon taksama maje prava karystacca turemnaj biblijatekaj, taksama byli pieradadzienyja jabłyki i vada», — skazaŭ Haŭryił Mamantaŭ.
Na pytańni datyčnyja kryminalnaj spravy rasijski dypłamat nie adkazvaŭ, kažučy, što nie maje prava kamientavać.

***

30 žniŭnia supracoŭniki pasolstva Rasii sustrelisia ŭ SIZA KDB z hiendyrektaram «Urałkalija» Uładzisłavam Baŭmhiertnieram, aryštavanym u Biełarusi ŭ paniadziełak.

Jak paviedamlaje BiełaPAN sa spasyłkaj advakataŭ Baŭmhiertniera, abvinavačańnie jamu było pradjaŭlena tolki 29 žniŭnia.

Hetyja źviestki razychodziacca z aficyjnaj infarmacyjaj Śledčaha kamiteta (SK) Biełarusi, jaki paviedamiŭ ab pradjaŭleńni Baŭmhiertnieru abvinavačańnia jašče 26 žniŭnia.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?