Kadr z klipa na pieśniu «Miesiac».
«Narešcie!» — uzdychnuŭ chtości z aptymistaŭ. «Dyk tam ža staryja pieśni spres buduć!» — vyhuknuŭ kaleha-piesimist. I padličyŭ, što ŭ hurtu tolki 10 piesień na biełaruskaj movie. «Heta z 59 na apošnich piaci albomach!» Tolki dźvie kampazicyi buduć novyja.
Mała ci mnoha? Kolki jość. Ale ci varta paprakać hurt? Tak, bolšaść piesień u repiertuary rasijskamoŭnyja. Kancerty ŭ Biełarusi, kali i jašče možna było tut adyhrać, byli redkaściu — ekspartny dla Rasii hurt. Ale, vychad hetaha alboma stanie pazityŭnym momantam.
Na letašnich kancertach u Minsku i Homieli rasijskija panki z «Purhiena» pierapieli biełaruskamoŭnuju «Belarus Freedom». U kahości čytaŭ, što na kancertach «Lapisaŭ» rasijcy padpiavajuć biełaruskamoŭnyja pieśni.
A vychad cełaha alboma na biełaruskaj movie pavinien sparadzić bolšy intares rasijcaŭ da našaj movy.
Chaj i biazdumnaje ŭznaŭleńnie nie zaŭsiody zrazumiełych dla ich słoŭ piesień na kancertach. Ale heta pakaža uschodnim susiedziam, što ŭ biełarusaŭ svaja mova, adroznaja ad ichniaj. A hałoŭnaje, jana nie miortvaja.
I novy klip na biełaruskamoŭnuju pieśniu «Miesiac», jaki hurt tolki adźniaŭ, budzie tranślavacca pa rasijskich kanałach.
Vivat, «Lapisy» — abiełarusicieli Rasii!
