30 žniŭnia sud Frunzienskaha rajona Minska pryhavaryŭ matacyklista, jaki źbiŭ naśmierć piešachoda, da 4 hadoŭ pazbaŭleńnia voli z adbyvańniem pakarańnia ŭ
DTZ adbyłosia kala 1.30 16 červienia na rehulavanym skryžavańni vulic Cimašenki i Prytyckaha ŭ Frunzienskim rajonie stalicy.
Piešachod zahinuŭ na miescy DTZ. Matacyklist byŭ špitalizavany ź pierałomam abiedźviuch kaściej levaha pieradplečča, jaho pasažyr — ź pierałomami asnovy čerapa i levaj pramianiovaj kości.
Sprava rasśledavałasia pa č. 2 art. 317 KK (parušeńnie praviłaŭ darožnaha ruchu abo ekspłuatacyi transpartnych srodkaŭ, što paciahnuła pa nieaściarožnaści śmierć čałavieka).
Małady čałaviek nabyŭ matacykł za niekalki dzion da zdareńnia i jašče nie paśpieŭ pastavić jaho na ŭlik u DAI. Pravoŭ na kiravańnie matacykłam u chłopca nie było. Traŭmy, atrymanyja ŭ vyniku DTZ pasažyram, ekśpierty pryznali ciažkimi cialesnymi paškodžańniami.
Sud prachodziŭ u budynku ŭpraŭleńnia DAI HUUS Minharvykankama ŭ prysutnaści matacyklistaŭ, jakija pryciahvalisia da adkaznaści za parušeńnie PDR.
Pryhavor suda pakul nie nabyŭ zakonnuju moc.