Jak paviedamili ŭ pres-słužbie MUS, cieła žančyny znajšli 10 žniŭnia ŭ Lubanskim vadaschoviščy kala vioski Tal.
Jaje cieła było abmatanaje łancuhom, da jakoha byŭ pryšpileny mietaličny hruz.
Dakumientaŭ pry joj nie było.
9 lipienia ŭ Maskvie byŭ abrabavany «Sovkombank». A na nastupny dzień na pracu nie vyjšła kasirka. Jaje abvieścili ŭ vyšuk. Takuju aryjentyroŭku ad rasijskich pravaachoŭnikaŭ atrymali i biełarusy.
Padčas ekśpiertyz, a taksama pryciahvańnia rodnych źnikłaj, było ŭstanoŭlena, što zabitaja — maskoŭskaja kasirka, hramadzianka Rasii, 1975 hoda naradžeńnia.
Padčas śledčych dziejańniaŭ
supracoŭniki kryminalnaha vyšuku MUS Biełarusi vyjšli na dvuch rasijan, adzin ź jakich naradziŭsia na Minščynie, ź jakimi zabitaja pryjazdžała ŭ biełaruskuju stalicu ŭ druhoj pałovie lipienia. A ŭ pačatku žniŭnia tyja mužčyny vyjechali ź Biełarusi.
Padčas čarhovaha vizitu ŭ našu krainu adnaho z mužčyn zatrymaŭ śpiecnaz. Heta trojčy sudzimy hramadzianin Rasii, 1960 hoda naradžeńnia. 30 žniŭnia ŭ Tamboŭskaj vobłaści byŭ zatrymany i jaho zmoŭščyk. Jany padazrajucca ŭ rabavańni banka i zabojstvie kasirki, jakaja im, miarkujuć śledčyja, dapamahła skraści hrošy.
10 lipienia supracoŭniki maskoŭskaha adździaleńnia «Sovkombanka» znajšli ŭskrytym siejf. Pa infarmacyi rasijskich ŚMI,
źnikli 40 miljonaŭ rasijskich rubloŭ, 78 tysiač jeŭra i 40 tysiač dalaraŭ.
