Nabyŭ zakonnuju moc prysud u dačynieńni da dvuch žycharoŭ Pinskaha rajona, jakija hvałtoŭna vybivali doŭh sa svajho znajomaha.
Jak paviedamiŭ staršy prakuror adździeła prakuratury Bresckaj vobłaści Hienadź Bury,
złačynstva było ŭčyniena34-hadovym žycharom Pinska i29-hadovym žycharom Pinskaha rajona ŭ pieryjad z 1 studzienia pa 9 červienia 2012 hoda. Złačyncy patrabavali ad znajomaha pinčuka doŭh u 180 tys. rubloŭ. Hetuju sumu toj byŭ im vinien za nabytyja śpirtnyja napoi padčas ich sumiesnaha raśpivańnia. Addać doŭh mužčyna nie moh, bo nidzie nie pracavaŭ.
Vybivajučy doŭh, asudžanyja nieadnarazova pahražali paciarpiełamu, što adrežuć jamu nažom nos, vušy, źbivali, sadžali na łancuh u chlavie, hvałtavali, a taksama prymušali pracavać na ich: vykonvać sielskahaspadarčyja, budaŭničyja i padsobnyja raboty. Paśla, «uklučyŭšy ličylnik», złačyncy ŭžo patrabavali ŭ svajoj achviary 3 młn. rubloŭ.
Ich zatrymali paśla taho, jak u milicyju źviarnułasia susiedka paciarpiełaha, jakoj toj pra ŭsio raskazaŭ.
8 lipienia 2013 hoda sud Pinskaha rajona i horada Pinska pryznaŭ mužčyn vinavatymi va ŭčynieńni złačynstvaŭ, praduhledžanych č. 2 art. 384 (prymus da vykanańnia abaviazacielstvaŭ), č. 3 art. 208 (vymahańnie), č. 1 art. 154 (katavańnie), č. 2 art. 183 (niezakonnaje pazbaŭleńnie voli), art. 186 (pahroza zabojstvam), č. 2 art. 167 (hvałtoŭnyja dziejańni sieksualnaha charaktaru), p. 3 č. 2 art. 181–1 (vykarystańnie rabskaj pracy).
Jak adznačyŭ Bury, Pinskaja mižrajonnaja prakuratura pryniesła pratest na miakkaść pryznačanaha pakarańnia.
«30 žniŭnia sudovaja kalehija pa kryminalnych spravach Bresckaha abłasnoha suda pahadziłasia z dokazami pratestu i, uličvajučy ciažar učynienych złačynstvaŭ, pavialičyła termin pazbaŭleńnia voliHety vierdykt nabyŭ zakonnuju moc», — paviedamiŭ jon.34-hadovamu da 10 hadoŭ, jaho saŭdzielniku — da 8 hadoŭ.
Raniej mužčyny sudzimyja nie byli. Abodva nie pracujuć.
