Maładych błasłavili baćki. Fota Barysa Hareckaha.
Hetaje kachańnie prajšło vyprabavańnie rasstańniem. Fota Julii Daraškievič.
Čym tolki maładych ni vinšavali. Fota Volhi Kuźmič.
Viasielle prajšło ŭ dvary carkvy Jana Pradvieśnika, u pratestanckaj tradycyi. Fota Jeŭraradyjo.
Viančaŭ maładych pastar Antoni Bokun. Fota Jeŭraradyjo.
Za maładych malilisia i śviatary, i hości viasiella. Fota Jeŭraradyjo.
Pryhožaja para. Fota Jeŭraradyjo.
Siarod haściej byli i žonki palitviaźniaŭ. Fota Jeŭraradyjo.
Adnym ź pieršych maładych pavinšavali Uładzimir Arłoŭ z žonkaj. Fota Jeŭraradyjo.
Aficyjna Źmicier Daškievič i Nasta Pałažanka ažanilisia 27 śniežnia 2012 u hrodzienskaj turmie. Paśla šlubu maładym dazvolili pabyć razam tolki 5 chvilin.
Adrazu paśla vyzvaleńnia Źmitra jany zładzili sapraŭdnaje viasielle.
Cyrymonija prajšła na padvorku carkvy Jana Pradvieśnika ŭ Minsku. Na viasielle sabrałasia kala 200 haściej. Siarod ich byli žonka Alesia Bialackaha Natalla Pinčuk, žonka Mikoły Statkieviča Maryna Adamovič, žonka Alesia Michaleviča Miłana, piśmieńnik Uładzimir Arłoŭ z žonkaj, časovy pavierany ŭ spravach ZŠA ŭ Biełarusi Itan Hołdryč dy inšyja dziejačy hramadstva i kultury. Palitykaŭ było vobmal. Śviedkami ŭ maładych byli ŭsie prysutnyja.
Viančaŭ Źmitra i Nastu pastar Antonij Bokun. Pračuła błasłaviŭ maładych jepiskap Abjadnanaj Carkvy Chryścijan Viery Jevanhielskaj u Biełarusi Siarhiej Cvor.
Cyrymonija była nadzvyčaj pryhožaja. Padvorak ubrali ŭ biełyja i čyrvonyja kolery. Na stałach było poŭna kvietak i pačastunkaŭ. Ałkaholu na viasielli Daškievičaŭ nie było.
«Heta było ŭ kamiery №77 turmy na vulicy Vaładarskaha, 2. Ja pastaviŭ svoj kiešar, dastaŭ ź jaho arkuš papiery i napisaŭ: «Nastačka, ja ciabie vielmi kachaju, chaču, kab ty stała majoj žonkaj, — raskazaŭ Źmicier pra toje, jak rabiŭ Naści prapanovu. — Adkaz pryjšoŭ imhnienna».
