Prezident Siryi Bašar Asad moža paźbiehnuć zamiežnaha vajskovaha ŭmiašańnia, kali na praciahu nastupnaha tydnia pieradaść usiu chimičnuju zbroju mižnarodnaj supolnaści, pieradaje ahienctva Reuters sa spasyłkaj na zajavu dziaržsakratara ZŠA Džona Kiery.

Pry hetym Kiery adznačyŭ, što Asad nie źbirajecca pieradavać chimičnuju zbroju i zabiaśpiečvać poŭnuju spravazdačnaść.

«Viadoma, jon moža pieradać usiu svaju chimičnuju zbroju mižnarodnaj supolnaści na praciahu nastupnaha tydnia — pieradać jaje ŭsiu nieadkładna i dać poŭnuju spravazdaču, ale jon nie źbirajecca rabić heta, i heta nie moža być zroblena», — zajaviŭ Kiery, adkazvajučy na pytańnie, što moža zrabić urad Asada, kab paźbiehnuć udaraŭ.

Džon Kiery ličyć, što chimičnuju zbroju ŭ Siryi kantralujuć, akramia prezidenta Bašara Asada, tolki dva čałavieki.

«Chimičnaja zbroja ŭ Siryi vielmi žorstka kantralujecca režymam Asada. Try čałavieki, jakija kantralujuć pieramiaščeńnie i ŭžyvańnie chimičnaj zbroi, heta Bašar Asad, jaho brat Machier Asad, a taksama adzin hienierał», — zajaviŭ kiraŭnik amierykanskaj dypłamatyi na pres-kanferencyi ŭ Łondanie ŭ paniadziełak.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?