10 vieraśnia Biełaruskaja dziaržaŭnaja fiłarmonija adkryje 76-y kancertny siezon. Pra heta 9 vieraśnia na pres-kanfierencyi ŭ Minsku paviedamiŭ mastacki kiraŭnik fiłarmonii zasłužany artyst krainy Juryj Hildziuk.

Pierad amatarami muzyki vystupiać Dziaržaŭny akademičny simfaničny arkiestr pad kiraŭnictvam narodnaha artysta Biełarusi Alaksandra Anisimava i salist z Francyi Aliŭje Šarlje (skrypka), jakija vykanajuć tvory Bramsa, Mocarta, Hłazunova.

Jak paviedamiŭ Hildziuk, 1 kastryčnika adkryjecca VIII Mižnarodny fiestyval Juryja Bašmieta, u jakim voźmuć udzieł słavutyja vykanaŭcy — pijanist Mikałaj Łuhanski, skrypač Maksim Vienhieraŭ, kamierny arkiestr «Salisty Maskvy». Adbuducca taksama kancert u honar 80-hodździa Kšyštafa Piendereckaha z udziełam samoha kampazitara i premjera tvora biełaruskaha kampazitara Valeryja Voranava «Architekton» na teksty Vielimira Chlebnikava.

Pavodle słoŭ mastackaha kiraŭnika fiłarmonii, projduć Mižnarodny konkurs vykanaŭcaŭ na strunnych smyčkovych instrumientach imia Michaiła Jelskaha, tradycyjny «Kaladny fiestyval», kancerty mižnarodnaha forumu maładych muzykantaŭ «Minskaja viasna», III Mižnarodny fiestyval «Uładzimir Śpivakoŭ zaprašaje».

Praciahnucca taksama cykły kancertaŭ «Džazavyja viečary ŭ fiłarmonii» i «Šedeŭry suśvietnaha arhannaha mastactva».

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?