Z hetaha času indyvidualnyja pradprymalniki nie zmohuć vystupać u jakaści zabudoŭščykaŭ, a harantyja na pabudavanyja abjekty nieruchomaści pavialičycca z 2 da 5 hadoŭ.
Adpaviednyja źmieny źmiaščajucca va Ukazie № 263 «Ab dolevym budaŭnictvie abjektaŭ u Respublicy Biełaruś», jaki Alaksandr Łukašenka padpisaŭ jašče 7 červienia hetaha hoda. Adnak ukaz ustupiŭ u siłu tolki ŭčora. Try miesiacy spatrebiłasia dla taho, kab urad i subjekty, jakija ŭdzielničajuć u dolevym budaŭnictvie zmahli adaptavacca da novych umoŭ.
Adnym z hałoŭnych novaŭviadzieńniaŭ źjaŭlajecca istotnaje pašyreńnie śfiery dziejańnia dziaržaŭnaha rehulavańnia ŭ śfiery dolevaha budaŭnictva.
Raniej dziejny ŭ hetaj halinie ŭkaz ad
Zaraz ža ŭsie zabudoŭščyki, jakija źbirajucca budavać abjekt z pryciahnieńniem dolščykaŭ, abaviazanyja buduć prytrymlivacca adzinych praviłaŭ. I, napeŭna, samaje hałoŭnaje z hetych praviłaŭ heta toje, što «zabudoŭščyk maje prava pryciahvać hrašovyja srodki dolščykaŭ dla zabiaśpiečańnia dolevaha budaŭnictva abjektaŭ dolevaha budaŭnictva tolki pry adsutnaści ŭ jaho pazyčanaści pa padatkach, zborach, inšych abaviazkovych płaciažach u respublikanski i (abo) miascovy biudžet (u tym liku ŭ dziaržaŭnyja metavyja biudžetnyja fondy), u dziaržaŭnyja pazabiudžetnyja fondy», a taksama «pry najaŭnaści dakumientaŭ, jakija śviedčać jaho prava na ziamielny ŭčastak, nieabchodny dla zabiaśpiečańnia dolevaha budaŭnictva, dakumientaŭ, jakija paćviardžajuć apublikavańnie prajektnaj dekłaracyi i damovaŭ, zarehistravanych va ŭstanoŭlenym paradku miascovymi vykanaŭčymi i rasparadčymi orhanami». Kali da hetaha dadać, što zhodna z novym ukazam ź liku zabudoŭščykaŭ vyklučanyja indyvidualnyja pradprymalniki, to praniknieńnie na rynak niejkich niadobranadziejnych abo finansava niaŭstojlivych zabudoŭščykaŭ faktyčna vyklučajecca. Na heta ž nacelenaja norma, jakaja praduhledžvaje nie tolki abaviazkovuju rehistracyju ŭ vykankamach usich damovaŭ dolevaha budaŭnictva, ale i dadatkovych pahadnieńniaŭ da ich, kali źmianiajecca choć by adna istotnaja ŭmova.
Urad spadziajecca, što vyklučyć hetym mahčymaść prodažu ašukancami adnaho abjekta pa niekalki razoŭ.
Darečy, mienavita na vykankamy ŭskładzieny abaviazak kantralavać kožnaje dolevaje budaŭnictva, na jakoje miascovy orhan ułady vydaŭ dazvoł. Dapamahać u hetaj spravie miascovym orhanam ułady buduć aŭdytary. Ukaz abaviazaŭ zabudoŭščykaŭ štohod pravodzić aŭdyt metavaha vykarystańnia srodkaŭ, što pryciahvajucca ŭ budaŭnictva z pradstaŭleńniem kopii vynikaŭ takoha aŭdytu ŭ miascovyja vykanaŭčyja i rasparadčyja orhany. Pry hetym kožny dolščyk maje prava aznajomicca z vynikami takoha aŭdytu.
Ź inšaha boku, novym ukazam praduhledžanyja i niekatoryja pasłableńni dla zabudoŭščykaŭ.
Tak, raniej typavuju damovu stvareńnia abjekta dolevaha budaŭnictva abaviazanyja byli vykarystoŭvać usie subjekty dolevaha budaŭnictva šmatkvaternych žyłych damoŭ. Zaraz ža typavaja damova abaviazkovaja tolki pry budaŭnictvie dolevym sposabam žyłych pamiaškańniaŭ ź dziaržaŭnaj padtrymkaj i (abo) z abmiežavanym prybytkam, heta značyć kali dolščykam vystupaje hramadzianin, jaki staić u čarzie jak toj, chto maje patrebu.
Ukaz praduhledžvaje i dadatkovyja miery pa abaronie pravoŭ takich dolščykaŭ.
Tak, kali ŭ jakaści dolščyka vystupaje hramadzianin, jaki staić na ŭliku tych, chto maje patrebu ŭ palapšeńni žyllovych umoŭ, ukaz ustalavaŭ zabaronu na zaklučeńnie ź im damovaŭ, dzie b cana abjekta dolevaha budaŭnictva prymiarkoŭvałasia da valutnaha ekvivalentu. A źmianieńnie cany abjekta dolevaha budaŭnictva pa inicyjatyvie zabudoŭščyka moža ažyćciaŭlacca tolki ŭ vypadkach źmieny statystyčnych indeksaŭ koštu
Nu i istotnaja navina — u pavieličeńni harantyjnaha terminu abjekta dolevaha budaŭnictva z 2 da 5 hadoŭ. Nazvanyja novaŭviadzieńni nie raspaŭsiudžvajucca na damovy stvareńnia abjektaŭ dolevaha budaŭnictva, zaklučanyja da ŭstupleńnia ŭkaza ŭ siłu.