Fota «Novoj haziety».
Lidar rasijskaj apazicyi sabraŭ u paniadziełak svaich prychilnikaŭ na Bałotnaj płoščy ŭ Maskvie. Pavodle aficyjnych źviestak, dziejny mer Maskvy, blizki paplečnik Uładzimira Pucina Siarhiej Sabianin pieramoh z 51% hałasoŭ. Navalny nie pryznaje hetaha vyniku i śćviardžaje, što adbylisia falsifikacyi.
Niahledziačy na sfabrykavanuju suprać jaho kryminalnuju spravu, Navalny zdoleŭ śćvierdzicca na vybarach jak apazicyjny lidar numar 1. Zhodna z aficyjnymi vynikami, za jaho prahałasavali 27% vybarcaŭ.
Adnak spadziavańnia na pieramieny Navalnamu abudzić u ludziach nie ŭdałosia. Jaŭka ŭ Maskvie skłała ŭsiaho 33%.
Milicyja sprabavała zanizić źviestki pra kolkaść udzielnikaŭ apazicyjnaha mitynhu 9 vieraśnia. Pavodle HUUS Maskvy, na płošču vyjšła tolki 9 tysiač čałaviek. Heta častka prapahandysckaj vajny, jakuju pucincy viaduć suprać apazicyi.
U Rasii ŭłady kantralujuć usie vialikija telekanały i radyjostancyi z masavym achopam.
