Biełaruski Kalehium paŭstaŭ u listapadzie 1997 h. ź inicyjatyvy šerahu niaŭradavych biełaruskich arhanizacyj i pryvatnych asobaŭ i, jak adukacyjny prajekt, zrealizoŭvajecca z 1 kastryčnika 1998 h.

Biełaruski Kalehium — forum dla praviadzieńnia publičnych lekcyj i dyskusij, miesca intelektualnaha i kulturnickaha dyjałohu, kantaktaŭ i supracoŭnictva z kalehami ź siarednieeŭrapiejskich i zachodnich krainaŭ.

Biełaruski Kalehium abjadnoŭvaje navukoŭcaŭ, žurnalistaŭ, ludziej mastactva i kultury, hramadzkich asobaŭ z metaj aktualizacyi šmatkulturnaj biełaruskaj tradycyi i spryjańnia demakratyčnym pieraŭtvareńniam u biełaruskim hramadztvie ŭ kantekście vyznačalnych kaštoŭnaściaŭ jeŭrapiejskaj cyvilizacyi j ahulnajeŭrapiejskich pracesaŭ intehracyi.

Pryncypy dziejnaści:

- zachodnie- i siaredniejeŭrapiejskija kulturnickija praktyki ŭ ažyćciaŭleńni navučalnaha pracesu i navukovych daśledavańniaŭ;

- sučasnyja jeŭrapiejskija navučalnyja technałohii;

- paraŭnalny navukovy i navučalny padychod; krytyčnaje myśleńnie i adukacyja, zaanhažavanyja ŭ biełaruskuju kulturnuju tradycyju i sučasnuju sytuacyju;

- kaštoŭnaści adkrytaha i demakratyčnaha hramadztva.

Biełaruski Kalehium

prapanuje dadatkovaje navučańnie pa śpiecyjalizacyjach:

  • žurnalistyka: padstavovy kurs (novaja prahrama)
  • najnoŭšaja historyja (novaja prahrama)
  • fiłasofija/litaratura (novaja prahrama)

A taksama žurnalisckija praktykumy (sumiesna ź Biełaruskaj asacyjacyjaj žurnalistaŭ)

Da ŭdziełu ŭ konkursie zaprašajucca studenty starejšych kursaŭ albo asoby z vyšejšaj adukacyjaj. U vyklučnych vypadkach prymajucca studenty małodšych kursaŭ.

Navučalnyja prahramy BK aryjentavanyja na vykładańnie najnoŭšych frahmentaŭ sučasnaj viedy i technik intelektualnaj pracy i nie dublujuć isnujučyja prahramy dziaržaŭnych i niedziaržaŭnych universytetaŭ.

Sertyfikat Kalehiumu nie zamianiaje dypłom ab vyšejšaj adukacyi.

Navučańnie ŭ BK — biaspłatnaje.

Pačatak zaniatkaŭ z 28 kastryčnika 2013 h.

Zajaŭki prymajucca pa 25 vieraśnia 2013 h.

Umovy pastupleńnia.

Dadatkovuju infarmacyju možna atrymać praz [email protected]

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?