Zajava prahučała na VI mižnarodnaj kanfierencyi «Minieralnyja ŭhnajeńni» ŭ Maskvie, pieradaje infarmahienctva «Prajm». Nair rastłumačyŭ, što maje infarmacyju «ad kampanij, jakija viaduć pieramovy».
Pa jaho słovach, 20% akcyj «Biełaruśkalija» — hety «pačatak, ź jakoha pačali pieramovy».
«Jak my razumiejem, heta toje, na što moža pajści biełaruski bok», — dadaŭ indyjski pradstaŭnik.
Uvosień 2012 hoda Alaksandr Łukašenka paviedamiŭ, byccam Biełaruś viadzie pieramovy ab prodažy pakieta akcyj «Biełaruśkalija» ź piaciu kampanijami — ź Indyi, Kitaja, Jeŭropy, arabskich krain. Na toj momant, pa słovach biełaruskaha kiraŭnika, košt «Biełaruśkalija» aceńvaŭsia ŭ 33–36 miljardaŭ dołaraŭ.
Vyhladaje, što indyjskich biznesoŭcaŭ nie pałochaje skandał z zatrymańniem hiendyrektara «Urałkalija» Uładzisłava Baŭmhiertniera.
