Vybuch adbyŭsia ŭ domie № 42. Rabotniki Ministerstva pa nadzvyčajnych situacyjach, što apieratyŭna pa vykliku prybyli na miesca zdareńnia, chutka łakalizavali pažar.
Vyśvietliłasia, što ŭ adnoj z kvater pradstaŭniki pryvatnaj firmy akazvali pasłuhi pa ŭciapleńni bałkona. Padčas praviadzieńnia rabot i adbyŭsia vybuch z nastupnym uzharańniem.
Abodva rabočyja, 1988 i 1990 hoda naradžeńnia, atrymali cialesnyja paškodžańni i špitalizavany ŭ
10-ju balnicu.
Bałkon i pakoj pobač ź im vyharali, vybityja šyby.
Pieršamajskim rajonnym adździełam Śledčaha kamiteta Biełarusi raspačata kryminalnaja sprava. Sprava zaviedziena pa prykmietach złačynstva, praduhledžanaha č.1 art. 306 KK (parušeńnie praviłaŭ achovy pracy, što paciahnuła pa nieaściarožnaści pryčynieńnie ciažkich cialesnych paškodžańniaŭ).
