Apple prezientavała dva novyja smartfony: «załaty» i «dla biednych» 9

Kampanija Apple u aŭtorak prezientavała ŭ Kalifornii dva novyja smartfony — iPhone 5 °C i iPhone 5S.

Paviedamlajecca, što iPhone 5 °C budzie pastaŭlacca ŭ karpusach piaci koleraŭ — zialonaha, žoŭtaha, siniaha, čyrvonaha i biełaha. Korpus smartfona zrobleny z płastyka. Raniejšyja kolery byli vyklučna bieły i čorny.

Jak i pradstaŭleny ŭ 2012 hodzie iPhone 5, novy smartfon vykarystoŭvaje pracesar Apple A6.

iPhone 5S budzie vyrableny sa škła i aluminija. Jon budzie pradavacca ŭ korpusach čornaha, siarebranaha i załatoha koleraŭ.

U smartfonie ustalavany 64-razradny pracesar Apple A7. Da hetaj madeli Apple prymianała ŭ svaich pryładach tolki 32-razradnyja pracesary.

Asablivaści smartfona — skanier adbitkaŭ palcaŭ Touch ID (jon sumieščany z «chatniaj» knopkaj), 64-razradny pracesar Apple A7 i funkcyja zdymki videa 720p z chutkaściu 120 kadraŭ u siekundu.

Zaradki batarei iPhone 5S chapaje na 10 hadzin razmovy ŭ sietkach 3G, na 40 hadzin prajhravańnia muzyki, na 10 hadzin internet-sierfinhu ŭ sietkach LTE abo na 250 hadzin znachodžańnia ŭ režymie čakańnia.

U ZŠA z apieratarskim kantraktam iPhone 5 °C budzie kaštavać ad 99 (za 16-hihabajtnuju madel) da 199 (za 32-hihabajtnuju madel) dalaraŭ. iPhone 5S z kantraktam acanili ŭ 199–399 dalaraŭ.

Aparaty pastupiać u prodaž 20 vieraśnia ŭ dzieviaci krainach. U Apple adznačyli, što da śniežnia 2013 smartfony možna budzie kupić bolš čym u sta krainach.

Apple vypuskaje smartfony iPhone z 2007 hoda. Pradstaŭlenyja 10 vieraśnia aparaty adnosiacca da siomaha pakaleńnia pryładaŭ. Adznačym, što kampanija ŭpieršyniu pakazała za raz bolš adnaho iPhone.

Pavodle Lenta.ru i Bi-Bi-Si

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH