Biełarusy ciapier mohuć zdavać žyłyja pamiaškańni pryvatnaha žyłfondu ŭ arendu jurydyčnym asobam dla vykarystańnia pa naznačeńniu. Adpaviednaja forma damovy arendy zaćvierdžana pastanovaj Savieta Ministraŭ Biełarusi ad 29 žniŭnia 2013 hoda № 757, aficyjna apublikavanaj na Nacyjanalnym pravavym internet-partale.
Jak rastłumačyli ŭ Ministerstvie žyllova-kamunalnaj haspadarki, śpiecyjalisty jakoha źjaŭlajucca adnymi z raspracoŭščykaŭ hetaha dakumienta, raniej byli zaćvierdžany tolki damovy najmu žyłych i arendy niežyłych pamiaškańniaŭ. Forma damovy arendy žyłoha pamiaškańnia pryvatnaha žyllovaha fondu hramadzian, jakaja praduhledžvaje zdaču fizasobami žyłych pamiaškańniaŭ u arendu jurydyčnym asobam dla vykarystańnia pa naznačeńni, zakanadaŭča nie była praduhledžana. Takim čynam, pastanovaj zaćvierdžana absalutna novaja forma damovy. Akramia taho, dakumientam zaćviardžajecca i forma dahavora arendy (subarendy) mašyna-miesca.
U viedamstvie rastłumačyli, što heta pastanova raspracavana ŭ metach vykanańnia punkta 3 ukaza prezidenta Biełarusi № 219 ad 13 maja 2013 hoda, jakim byli ŭniesieny źmianieńni va ŭkaz № 497 ad 4 žniŭnia 2006 hoda «Ab niekatorych pytańniach arendy (subarendy), najmu (padnajmu) žyłych i niežyłych pamiaškańniaŭ».
U formach damovaŭ arendy žyłoha pamiaškańnia pryvatnaha žyłfondu hramadzian i arendy (subarendy) mašyna-miesca źmiaščajucca punkty, jakija datyčacca pravoŭ i abaviazkaŭ arandatara i arendadaŭca, adkaznaści bakoŭ, paradku ŭniasieńnia źmianieńniaŭ, spynieńnia ich dziejańnia i skasavańnia i inšyja.
Dakumient ustupaje ŭ siłu paśla jaho aficyjnaha apublikavańnia.
BiełTA
Chočaš padzialicca važnaj infarmacyjaj ananimna i kanfidencyjna?
Pišycie redaktaru «Našaj Nivy» ŭ TH
