Staršynia Minharvykankama Mikałaj Ładućka siońnia na
pres-kanfierencyi adznačyŭ, što zamiest brenda Minska treba vykarystoŭvać jaho hierb.
«Tema stvareńnia brenda šyroka aśviatlałasia ŭ ŚMI. Adnak z časam pryjšło razumieńnie, što brend horada — heta važna, ale jon nie vyrašyć usich pytańniaŭ, — skazaŭ Mikałaj Ładućka.
— Ad taho, što brend budzie zaćvierdžany, u horadzie adrazu nie pavialičycca kolkaść turystaŭ.
Jość hierb Minska, napeŭna, treba na jaho i raŭniacca».
Razam z tym, adznačyŭ staršynia Minharvykankama, raspracoŭščyki brenda ŭłavili važnuju detal: jaho hrafičnaja kancepcyja ŭjaŭlaje saboj intehralnuju schiemu.
«Minsk — heta sapraŭdy inavacyjny horad. Tut stvorany ŭsie ŭmovy dla raboty kampanij u śfiery vysokich technałohij, raźvićcio jakich aktualna dla horada i padtrymlivajecca na ŭsich uzroŭniach», — padkreśliŭ Mikałaj Ładućka.