Pra ŭviadzieńnie embarha na małdaŭskija viny i kańjaki zajaviŭ uviečary 10 vieraśnia kiraŭnik Rasspažyŭnahlada Hienadzij Aniščanka. Farmalna zabarona tłumačycca nieadpaviednaściu małdaŭskaj pradukcyi normam biaśpieki. Adnak ekśpierty adnaznačna interpretujuć heta jak šantaž Małdovy napiaredadni Vilenskaha samita Uschodniaha Partniorstva. Rasija choča ŭtrymać Małdovu, jak i Ukrainu, ad intehracyi ź Jeŭrasajuzam.
Raniej Rasija ŭviała anałahičnuju zabaronu na pastaŭku kandytarskich vyrabaŭ z Ukrainy. Jašče raniej, u pieryjady napružanaści ŭ dvuchbakovych adnosinach, «kiepskimi» akazvalisia biełaruskaje małako i hruzinskaja minieralnaja vada baržomi.
Pieršy raz embarha na małdaŭskuju pradukcyju ŭvodziłasia ŭ 2006 hodzie, kali papiaredni, kamunistyčny ŭrad krainy admoviŭsia vykanać rasijski scenar urehulavańnia prydniastroŭskaha kanfliktu, pavodle jakoha Małdova pavinna była pieratvarycca ŭ kanfiederacyju.
Da taho pieršaha embarha Małdova pastaŭlała ŭ Rasiju 80% svajho vina. Ciapier dola Rasii ŭ ałkaholnym eksparcie składaje ŭsiaho 47%. Pry hetym Małdova zajmaje druhoje miesca pa prodažach vina ŭ Rasii, paśla Francyi.
