Pra heta na
pres-kanfierencyi 11 vieraśnia paviedamiŭ staršynia Minharvykankama Mikałaj Ładućka.
«Nacyjanalny futbolny stadyjon my płanujem stvaryć na bazie stadyjona „Traktar“. Heta budzie vialikaja i składanaja rabota», — adznačyŭ kiraŭnik Minharvykankama.
Jon taksama adznačyŭ, što pravodzicca rekanstrukcyja stadyjona «Dynama», užo demantavany kazyrok.
«My adnavili toje zbudavańnie, jakoje było pabudavanaje paśla vajny. Ciapier idzie havorka pra rekanstrukcyju ŭ isnujučych paramietrach i zbudavańniach. Ale treba budzie pravieści rekanstrukcyju padtrybunnych pamiaškańniaŭ, samich trybun, nakryć miescy dla hledačoŭ», — paviedamiŭ Ładućka. Jon padkreśliŭ, što na hetym stadyjonie možna budzie pravodzić nie tolki futbolnyja matčy, ale i lohkaatletyčnyja.
Nahadajem, 15 žniŭnia na naradzie ab prablemach biełaruskaha
«Nam patrebien narmalnaha, jeŭrapiejskaha ŭzroŭniu stadyjon na 35 tys. hledačoŭ.
„Łakamatyŭ“ u Maskvie — uzor. Kab byŭ zručny, nacyjanalny stadyjon. Davajcie pabudujem abo na „Traktary“, abo na hołym miescy. Nie treba pierahružać centr horada, — skazaŭ jon. — Heta my chutčej pabudujem, i nie treba ničoha znosić».
«I za hetyja hrošy, za jakija my płanavali źnieści stadyjon „Dynama“, a potym pabudavać novy, ciapier my, akazvajecca, možam hety adnavić i novy pabudavać», — zajaviŭ Łukašenka.
Raniej staršynia Biełaruskaj fiederacyi futboła Siarhiej Rumas paviedamlaŭ, što košt rekanstrukcyi «Dynama», zychodziačy z taho, što jon budzie raźličany na 40 tys. miescaŭ, składzie 180–190 młn. jeŭra.
