Z miasa kanfiskavanych śviniej buduć rabić kaŭbasy 9
Heta datyčyć tych žyvioł, jakich kanfiskujuć z pieršaj zony niebiaśpieki.
Zhadku ab tym, što ź miasa kanfiskavanych śviniej buduć rabić tušonku, varanyja i varana-vendžanyja kaŭbasy, utrymlivaje novaja pastanova Savieta ministraŭ № 758. Dakumient na 190 staronak zaćvierdžany 29 žniŭnia, apublikavany 10 vieraśnia. Jon admianiaje niekatoryja raniejšyja pastanovy ab baraćbie z raspaŭsiudžvańniem afrykanskaj čumy śviniej i abahulniaje ŭsie praviły.
Miasa i tkanki chvorych žyvioł, zhodna z pastanovaj Saŭmina, buduć pa-raniejšamu źniščacca.
Košt kanfiskavanych u ludziej žyvioł budzie kampiensavacca im pa 18 tysiač za kiłahram žyvoj vahi. Hrošy miascovyja ŭłady ludziam pavinny viartać nie paźniej čym praz dva tydni paśla kanfiskacyi žyviołaŭ.
Novaja pastanova Savieta ministraŭ pa afrykanskaj čumie śviniej nabyła moc 2 vieraśnia. Dakumient užo razasłany miascovym uładam — u abłvykankamy i rajvykankamy.
