Hienieralny sakrataryjat Interpoła abvierh zajavy aficyjnaha Minska pra toje, što rasijski sienatar i biznesoviec Sulejman Kierymaŭ abvieščany ŭ mižnarodny vyšuk.
U suviazi ź infarmacyjaj, jakaja była ahučanaja ŭ biełaruskich aficyjnych ŚMI, Hienieralny sakrataryjat Interpoła paviedamiŭ, što 2 vieraśnia jon atrymaŭ paviedamleńnie ad biełaruskich uładaŭ z prośbaj unieści ŭ śpis asobaŭ, jakich šukaje Interpoł, rasijskaha hramadzianina Sulejmana Kierymava.
Hety zapyt ciapier razhladajecca ŭ Hienieralnym sakrataryjacie Interpoła i ŭ niezaležnaj kamisii pa kantroli spraŭ Interpoła, kab vyznačyć, ci adpaviadajuć jany statutu arhanizacyi i, u pryvatnaści, artykuła 3, jaki stroha zabaraniaje joj «luboje ŭmiašańnie ci dziejnaść palityčnaha, vajennaha, relihijnaha ci rasavaha charaktaru».
