Zabojstva dziaŭčyny adbyłosia ŭdzień 12 vieraśnia ŭ centry Oršy, kala budynku suda. Na vačach u mnostva ludziej mužčyna niekalki razoŭ udaryŭ nažom dziaŭčynu i ŭciok.
Śpiarša źjaviłasia infarmacyja, byccam para vyjšła z suda. Adnak u sudzie Aršanskaha rajona i horada Oršy kažuć, što nijakich razvodaŭ ŭ dzień zabojstva nie było i da ich para nie maje nijakaha dačynieńnia.
Namieśnik načalnika Śledčaha kamiteta pa Oršy Siarhiej Sidzin ad usialakich kamientaroŭ admaŭlajecca, bo jašče znachodzicca na miescy zdareńnia. Nie kaža supracoŭnik SK, ci jość u ich zatrymany.
Sidzin: «Ja znachodžusia na miescy zdareńnia i nijakich kamientaroŭ davać nie mahu. U nas pakul niama padazravanaha».
Tym časam juryst Aleh Hrableŭski kaža, što žančyna atrymała dva ŭdary nažom u žyvot i adzin raz u šyju. Pra heta jamu paviedamili nieaficyjnyja krynicy z aršanskaha suda, kala jakoha adbyłosia zabojstva.
Hrableŭski: «Chłopcu prykładna kala 30 hadoŭ, dziaŭčynie — kala 20. Jany byli ŭ razvodzie, i ź niejkich pryčynaŭ jon heta zrabiŭ.
Chłopiec zaraz lažyć u bolnicy z nažavym ranieńniem ŭ vobłaści serca».
Miarkujučy pa ŭsim, zabojca paśla svajho ŭčynku sprabavaŭ učynić samahubstva, kaža Hrableŭski. Praŭda, jon udakładniaje, što heta taksama nieaficyjnyja źviestki.
