Zrazumieć sutnaść raznavidnaści adzinaborstva, pahladzieć na jaho znutry dapamoh sam bajec, a taksama sučasnyja technałohii. U kamieru GoPro pohlad skiravaŭ Maksim Spadaranka, što advažna sparynhavaŭ z čempijonam.
Pra siabie: «Zasłužany majstar sportu, šmatrazovy čempijon śvietu i Jeŭropy. Čałaviek z dobrymi jakaściami i niedachopami, jak i ŭsie. Čałaviek, jaki zajmajecca svajoj spravaj, sprabuje dasiahnuć bolšaha, zmahajecca sa słabaściami. Pazityŭny i žyćciaradasny».
Pra
Karonny ŭdar: «Kali chočacie viedać majo mierkavańnie, u mianie takoha niama. Choć śpiecyjalisty adznačajuć ŭdary „kalena ŭ skačku“, „kalena ŭ hałavu“. Časam hetyja pryjomy sapraŭdy vystrelvajuć, zaśpiavajuć sapiernikaŭ źnianacku. Ale asabista dla mianie heta nie karonnyja ŭdary (niama takoha, kab ja ich adpracoŭvaŭ), a adny z tych, jakija mahu prymianić padčas boju».
Stereatyp: «Kažuć, kački, baksiory, bajcy — adbityja i vuhłavatyja? Stereatypnaje myśleńnie składvajecca na prykładach z žyćcia. Kački ŭ kłasie, u instytucie, u dvary siabie pazicyjanujuć jak spartsmienaŭ, ale časta nie pavodziać siabie
Viedańnie — siła? «Chm, hledziačy jak jaho vykarystoŭvać! Dy i jakaja jašče siła: stvareńnia abo razbureńnia? A možna ž jašče pryvieści prykłady, kali niaviedańnie — siła. Skažam, vychodziš ty na rynh i nie viedaješ, što tvoj apanient — supiermiehabajec. Ci viedaješ: užo pahladzieŭ roliki na YouTube, dzie jon vyrubaje ŭsich zapar udaram sprava. Staiš — vočy pa dvaccać kapiejek, rychtuješsia da nakaŭta».
Deviz: «Rabi što pavinien, i chaj budzie što budzie». Jak by ty siabie ni adčuvaŭ, treniravacca abaviazany. Ty pavinien rabić svaju pracu, addavacca joj całkam, niahledziačy ni na što. Tamu što viedaješ, dla čaho heta treba».
Novyja vykliki: «Kali b mnie kinuŭ vyklik Fłojd Mejuezier, to možna było b śćviardžać, što heta niešta novaje ŭ karjery. Usio astatniaje ŭ mianie ŭžo było. Zastajucca vykliki ŭnutry siabie. Pakul cikava, zajmacca varta. Nie varta źviartać uvahu na mituśniu — štodzionny vybar. Kudy pajści, što pajeści, z kim siabravać. Taksama važna, ale, pryniaŭšy rašeńnie pa kožnym z punktaŭ, ruchacca ŭ napramku čahości vialikaha robicca lahčej. Zrešty, pra što ja? Mahčyma, adnojčy pračnusia z razumieńniem taho, što niama na śviecie ničoha lepšaha, čym jazda na adnakołavym rovary. Što ja tolki rabiŭ uvieś heta čas? Voś heta budzie vyklik!»