1,6 miljona čałaviek ustali łancuhom ad francuzskaj miažy da paŭdniovaj uskrainy Katałonii. Žyvy łancuh prajšoŭ paŭz samyja znakamityja miaściny rehijona: sabor «Sahrada familija» pracy Haŭdzi i stadyjon «Noŭ kamp».
«Katałonija — nie Ispanija». — takim byŭ asnoŭny łozunh akcyi. Udzielniki pryjšli z nacyjanalnymi katałanskimi ściahami, byli apranutyja ŭ nacyjanalnyja kolery.
U minułym hodzie praniezaležnickija partyi absalutna pieramahli na vybarach u Katałonii. Jany zapłanavali na 2014 hod praviadzieńnie refierendumu ab niezaležnaści. Ale hetamu pracivicca centralny ŭrad u Madrydzie.
Katałonija straciła niezaležnaść u siarednija viaki, ale zachavała svaju movu i admietnaść. Pry Franka mova amal źnikła z užytku, ale paśla padzieńnia dyktatury adbyłosia imklivaje adradžeńnie.
