Pra heta ŭ svaim Facebook paviedamiŭ viadomy maskoŭski advakat Alaksandr Dabravinski. Pa jaho słovach, jakija pieradaje RBK, prodaž budzie zavieršany na praciahu bližejšych dvuch-troch tydniaŭ. 20% ad ahulnaj sumy prodažu ŭžo zapłočanyja.
Pa słovach advakata, na praciahu hetaha ž času ź SIZA KDB budzie adpuščany hiendyrektar «Urałkalija» Uładzisłaŭ Baŭmhiertnier.
Jon ža zastaniecca ŭ dalejšym na svajoj raniejšaj pasadzie, paviedamlaje Dabravinski. Jon dadaje, što biełaruski bok całkam zadavoleny pavarotam padziejaŭ, paviedamlaje Jeŭraradyjo.
26 žniŭnia Hienieralnaja prakuratura Biełarusi paviedamiła ab raspačynańni kryminalnaj spravy ŭ dačynieńni da šerahu kiraŭnikoŭ Biełaruskaj kalijnaj kampanii, siarod jakich staršynia nahladalnaj rady Biełaruskaj kalijnaj kampanii, hiendyrektar «Urałkalija» Uładzisłaŭ Baŭmhiertnier. Jany abvinavačvajucca pa č. 3 art. 424 KK (złoŭžyvańnie ŭładaj i słužbovymi paŭnamoctvami).
Baŭmhiertnier byŭ zatrymany ŭ Minsku i ciapier znachodzicca ŭ SIZA KDB.