Ekskluzyŭnaje interviju Armianskaj słužby radyjo «Svaboda» z eŭrakamisaram pa spravach pašyreńnia Štefanam Fiule.

U interviju jon zajaviŭ što pieršym krokam da luboj supracy ź Biełaruśsiu pavinna być vyzvaleńnie i reabilitacyja palitviaźniaŭ: «Kali vy mianie spytajecie, ci chaču ja bačyć prahres u Biełarusi, adkaz budzie vielmi jasny — tak, ja chaču bačyć prahres. Ale ciapier ja baču šaniec na prahres, jość peŭnyja syhnały.

Ministar zamiežnych spravaŭ Uładzimier Makiej byŭ tut. Heta była dobraja sprava. Ja pavinien skazać, što jon daŭ peŭnyja kanstruktyŭnyja prapanovy pa Ŭschodnim partnerstvie.

I ja dumaju, što dalejšy ŭdzieł važny dla Eŭraźviazu i dla Biełarusi.

Dobraja dyskusija pra dyjaloh pa madernizacyi. Mahčymaść dla uładaŭ uziać udzieł razam z hramadzianskaj supolnaściu ŭ hetym vielmi važnym dyjalohu pa madernizacyi Biełarusi z dapamohaj Eŭraźviazu. Ale inšaja sprava — heta los palitviaźniaŭ. 

Luboje adkryćcio moža być dziela Biełarusi, ale heta zaležyć ad vyzvaleńnia i reabilitacyi palitviaźniaŭ. I heta vielmi jasnaja palityka Eŭraźviazu, i ja vielmi spadziajusia, što hetyja syhnały napiaredadni samitu ŭ Vilni nie akažucca ŭpuščanaj mahčymaściu dla Biełarusi.

Tamu što kali jon chočuć niejki mesydž ad mianie, voś jon: vy ruchajeciesia ŭ spravie palitviaźniaŭ, a my tady zapuskajem paŭnamaštabnyja prahramy z vašaj krainaj dziela jaje madernizacyi».

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?