Pa fakcie hibieli vykładčyka i atrymańnia traŭm roznaj stupieni ciažaru piaćciu kursantami Vajennaj akademii Biełarusi Śledčy kamitet rasśleduje spravu na padstavie č. 2 art. 463 Kryminalnaha kodeksa (parušeńnie praviłaŭ abychodžańnia sa zbrojaj, materyjałami, rečyvami i pradmietami, jakija ŭjaŭlajuć pavyšanuju niebiaśpieku dla navakolnych, što paciahnuła pa nieaściarožnaści śmierć čałavieka).
Pra heta paviedamili ŭ adździele infarmacyi i suviazi z hramadskaściu SK.
Nahadajem, 13 vieraśnia na vajskovym strelbiščy pry praviadzieńni płanavych vučebnych zaniatkaŭ pa inžyniernaj padrychtoŭcy z kursantami Vajennaj akademii ŭ suviazi z dačasnaj detanacyjaj vohniepravodnaha šnura adbyŭsia vybuch tratyłavych šašak. Vykładčyk atrymaŭ traŭmy, niesumiaščalnyja z žyćciom, piaciora kursantaŭ špitalizavanyja.
