Sanitarka Julija Anufryjeva, jakaja zahinuła pry pažary ŭ psichanieŭrałahičnym internacie ŭ Naŭharodskaj vobłaści Rasii, vałodała śviataściu, zajaviŭ patryjarch Maskoŭski i ŭsioj Rusi Kirył paśla bahasłužby ŭ Fieadoraŭskim sabory Pieciarburha.

«Siońnia my malilisia ab tych, chto zahinuŭ u pažary ŭ Noŭharadzie, i asabliva ab rabie Božaj Julii Anufryjevaj, sanitarcy psichanieŭrałahičnaha dyspansiera dla sastarełych ludziej. Kali adbyŭsia pažar, hetaja žančyna vyniesła na sabie 23 čałavieki, bo jany nie mahli ruchacca. 24-ha jana vynieści nie zmahła, bo pavaliłasia belka, abrynuŭsia dach, i jana zahinuła».

Patryjarch Kirył zaklikaŭ pamiatać imiony takich ludziej, jak Julija Anufryjeva.

16 vieraśnia ŭ Naŭharodskaj vobłaści abjaŭleny dniom žałoby pa achviarach pažaru ŭ internacie. Va ŭsioj vobłaści buduć pryspuščanyja rasijskija ściahi. Miedsiastru Juliju Anufryjevu źbirajucca paśmiarotna ŭznaharodzić.

Pažar u budynku internata ŭ vioscy Łuka uspychnuŭ u noč na 13 vieraśnia. Pa apošnich dadzienych, achviarami pažaru stali 37 čałaviek.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?