Muziej historyi Mahilova praciahvaje źbirać srodki na vykup biełaruskich kaštoŭnaściaŭ, što znachodziacca za miažoj. Zaraz zbor srodkaŭ idzie adrazu na dva vydańni.
Pieršaje, heta frahmient Biblii Francyska Skaryny, vydadzienaj ŭ Prazie ŭ 1518 h. Pry tym, što heta ŭsiaho niekalki staronak z knihi, znachodki takoha kštałtu redkija. Košt frahmienta składaje kala $9000.
Druhoje vydańnie — «Apostał», vydadzieny ŭ 1632 h. Śpirydonam Sobalem. Heta budzie pieršaje vydańnie mahiloŭskaha drukara, jakoje źjavicca na jaho radzimie. Košt hetaj knihi składaje pryblizna $10 000.
Muziej historyi Mahilova, a taksama jaho dyrektar Alaksiej Baciukoŭ, užo zdabyli słavu viartalnikaŭ biełaruskich kaštoŭnaściaŭ. Mienavita dziakujučy namahańniam mahiloŭcaŭ, u Biełarusi źjaviŭsia Statut VKŁ 1588 h., kniha Kazimira Siemianoviča «Vialikaje mastactva artyleryi», a taksama inšyja vydańni, jakija majuć pramoje dačynieńnie da historyi Biełarusi.
Kožny moža dapamahčy zboru srodkaŭ, pieraličyŭšy hrošy na rachunak muzieja:
UK «Muziej historyi Mahilova» 212030 Mahiloŭ, vuł. Leninskaja, 1A
rachunak:
UNP 790203960
filijał 700 MAU AAT «ASB Biełarusbank» MFO 153801536
r/r 3642014673147 Mahiloŭ, vuł. Pieršamajskaja, 71
Meta płaciaža: Na raźvićcio muziejnaj spravy i achovu historyka-kulturnaj spadčyny (dla kupli knihi Skaryny ci dla kupli knihi Śpirydona Sobala).
Uvaha: buchhałteryja muzieja prosić dakładna i całkam paznačać metu płaciaža.
