U studzieni-lipieni istotny (heta značyć bolš čym 100 młn. dalaraŭ) rost ekspartu naziraŭsia tolki pa adnoj tavarnaj pazicyi — małočnych praduktach, śviedčać danyja aficyjnaj statystyki.

Tak, u studzieni-lipieni Biełaruś pastaviła na źniešnija rynki małaka i viarškoŭ zhuščanych i suchich na 499,9 młn. dalaraŭ, što na 216,2 młn. dalaraŭ bolš u paraŭnańni z anałahičnym letašnim pieryjadam.

Pa asnoŭnych tavarnych pazicyjach, na jakija letaś prypadała bolš jak pałova biełaruskaha ekspartu, sioleta nazirajecca źnižeńnie pastavak na źniešnija rynki. U pryvatnaści ekspart naftapraduktaŭ u hrašovym vyražeńni skłaŭ u studzieni-lipieni hetaha hoda 6,8 młrd. dołaraŭ i źniziŭsia ŭ paraŭnańni z anałahičnym letašnim pieryjadam na 2,9 młrd. dalaraŭ.

Pastaŭki biełaruskich rastvaralnikaŭ na źniešnija rynki skłalisia na ŭzroŭni 1,2 młn. dalaraŭ i rezka skaracilisia ŭ paraŭnańni z anałahičnym letašnim pieryjadam — na 2,77 młrd. dalaraŭ.

Praktyčna spyniŭsia i ekspart zmazačnych materyjałaŭ: z 1 młrd. dalaraŭ u studzieni-lipieni 2012 hoda da 7,1 młn. dalaraŭ za anałahičny letašni pieryjad.

Ekspart biełaruskich kalijnych uhnajeńniaŭ u studzieni-lipieni skłaŭ 1,47 młrd. dalaraŭ i źniziŭsia ŭ paraŭnańni z anałahičnym letašnim pieryjadam na 321 młn. dalaraŭ.

Adbyłosia istotnaje źnižeńnie ekspartu hruzavych aŭtamabilaŭ, jaki ŭ studzieni-lipieni hetaha hoda źmienšyŭsia na 277 młn. dalaraŭ i skłaŭ 638,8 młn.

Traktaroŭ i siedłavych ciahačoŭ Biełaruś ekspartavała ŭ studzieni-lipieni na 633,1 młn. dalaraŭ, što na 222,7 młn. dalaraŭ mienš u paraŭnańni z anałahičnym letašnim pieryjadam.

Jak paviedamlałasia raniej, Biełaruś u žniŭni 2012 hoda spyniła ekspart rastvaralnikaŭ i zmazačnych materyjałaŭ. Na hety krok kiraŭnictva krainy pajšło pa patrabavańni Rasii, jakaja stała padazravać, što Biełaruś pad vyhladam rastvaralnikaŭ i zmazačnych materyjałaŭ pastaŭlaje na źniešnija rynki naftapradukty, što dazvalała krainie nie pieraličvać pošliny ŭ rasijski biudžet.

Źnižeńnie biełaruskaha ekspartu sioleta abumoŭlenaje taksama skaračeńniem pastavak pradukcyi mašynabudavańnia na źniešnija rynki zbytu. Pa danych vytvorcaŭ, prablemy sa zbytam biełaruskaj pradukcyi mašynabudavańnia źviazanyja z uviadzieńniem u Rasii novaha ekałahičnaha standartu Jeŭra-4.

Źmianšeńnie ekspartu biełaruskich kalijnych uhnajeńniaŭ u hrašovym vyražeńni abumoŭlenaje źnižeńniem suśvietnych cen na hetuju pradukcyju ŭ paraŭnańni ź minułym hodam.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?