Inicyjatary kampanii pa praviadzieńni «Narodnaha refierendumu» majuć namier sabrać nie mienš za 500 tysiač podpisaŭ hramadzian Biełarusi, pry hetym upor budzie rabicca «nie na kolkaść, a na jakaść».

Pra heta było zajaŭlena 14 vieraśnia na pasiadžeńni kruhłaha stała ŭ Minsku.

«Ludzi pavinny pavieryć, što my na ich baku, a nie pieraśledujem niejkija svaje vuzkija intaresy», — zajavili inicyjatary «Narodnaha refierendumu».

Jany zaznačyli, što nie staviać časavyja abmiežavańni jaje praviadzieńnia. Tak, zbor podpisaŭ moža ciahnucca jak paŭhoda, hetak i hod.

Stratehičnaja meta, pavodle słoŭ arhanizataraŭ, zaklučajecca ŭ tym, kab pra kampaniju «havaryła ŭsia kraina».

Jak paviedamiŭ namieśnik staršyni ruchu «Za Svabodu» Juryj Hubarevič, inicyjatary «Narodnaha refierendumu» ŭžo naviedali pryblizna 30 nasielenych punktaŭ z rabočymi pajezdkami. U płanach — farmulavańnie z dapamohaj ekśpiertaŭ i sacyjołahaŭ śpisa ź piaci pytańniaŭ, jakija buduć vynosicca na refierendum.

Zaviaršyć zbor podpisaŭ u padtrymku «Narodnaha refierendumu» płanujecca napiaredadni prezidenckich vybaraŭ 2015 hoda.

Nahadajem, inicyjatarami «Narodnaha refierendumu» źjaŭlajucca ruch «Za Svabodu», kampanija «Havary praŭdu!» i Partyja BNF. Da inicyjatyvy taksama dałučylisia Biełaruskaja sacyjał-demakratyčnaja partyja (Hramada) i arhkamitet Partyi svabody i prahresu.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?