mfa.gov.by

mfa.gov.by

17 vieraśnia namieśnik ministra zamiežnych spraŭ Respubliki Biełaruś Alena Kupčyna pryniała Časovaha pavieranaha ŭ spravach Šviecyi ŭ Respublicy Biełaruś Marcina Obierha.

Padčas sustrečy baki abmierkavali pytańni biełaruska-šviedskaha supracoŭnictva, paviedamlaje sajt MZS.

Marcinu Obierhu 42 hady, u Minsk jon pryjechaŭ uletku. Dahetul dypłamat pracavaŭ u pasolstvie Šviecyi ŭ Maskvie, dzie zahadvaŭ ekanamičnym adździełam.

Hod tamu, 1 žniŭnia 2012 hoda, biełaruskija ŭłady painfarmavali Šviecyju pra niepraciah akredytacyi pasłu Stefanu Eryksanu. Dypłamata paśla «plušavaha desantu» (kali 4 lipienia 2012 h. hramadzianie Šviecyi raskidali nad Biełaruśsiu ź lohkamatornaha samalota plušavyja cacki z zaklikami da demakratyi ŭ Biełarusi) abvinavacili ŭ destruktyŭnaj dziejnaści.

U adkaz šviedskija ŭłady zajavili, što nie prymuć novaha pasła Biełarusi i rekamiendavali dvum supracoŭnikam pasolstva pakinuć Stakholm. 8 žniŭnia 2012 h. MZS Biełarusi abviaściŭ pra adklikańnie ŭsich supracoŭnikaŭ biełaruskaha pasolstva ŭ Stakholmie. Šviedskamu boku było rekamiendavana pryniać anałahičnyja miery i adklikać usich svaich dypłamataŭ ź Minska.

U krasaviku 2013 h. ab budučym adnaŭleńni pracy dypmisii paviedamiŭ ministr zamiežnych spraŭ Šviecyi Karł Bilt.

Клас
0
Панылы сорам
0
Ха-ха
0
Ого
0
Сумна
0
Абуральна
0