Karol Svazilenda Msvaci III abraŭ čarhovuju niaviestu, jakoj stała 18-hadovaja finalistka konkursu pryhažości.

Kali novaja niaviesta pa imieni Sindzisva Dłamini zaciažaryć, jana aficyjna stanie, pavodle źviestak Agence France-Presse, 14-j, a pavodle paŭdniovaafrykanskaha vydańnia Independent Online, 15-j žonkaj karala. Msvaci vybraŭ jaje ŭ chodzie štohadovaha tradycyjnaha tanca napaŭaholenych svazilendskich niavińnic, jaki pravodzicca pierad karalom.

Dłamini ŭ 2012 hodzie skončyła siaredniuju škołu, a zatym pryniała ŭdzieł u konkursie pryhažości «Mis kulturnaja spadčyna», vyjšaŭšy ŭ finał. Pieramožca spabornictvy jašče nie vyznačanaja i budzie abvieščanaja tolki 28 vieraśnia.

Za apošnija niekalki hadoŭ z pałaca źbiehli try žonki Msvaci III.

Apošniaja ź ich, jakoj udałosia źbiehčy ŭ 2012 hodzie, raspaviadała pra toje, što ciaham mnohich hadoŭ padviarhałasia fizičnamu i psichałahičnaha hvałtu. Jašče adnu karalevu, Natande Dubie, padvierhnuli žorstkim pakarańniam paśla taho, jak jaje zaśpieli ŭ łožku ź ministram justycyi i blizkim siabram karala.

Msvaci III 45 hadoŭ, jon kiruje krainaj z 1986 hoda.

Jon źjaŭlajecca apošnim absalutnym manarcham u Čornaj Afrycy — rehijonie na poŭdzień ad pustyni Sachara. Asabistaja majomaść Msvaci aceńvajecca prykładna ŭ 200 młn dalaraŭ, u toj čas jak 70% nasielnictva Svazilenda žyvie pa-za rysaj biednaści.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?